Actualités Actualités & Infromations

موضوع اليوم سيكون حول الأسواق العصرية بحال Marjane/Acima/carrefour …

 

كلنا كنعرفو الاسواق العصرية لي هوما مثلا مرجان، أسيما…الخ ولكن واش كنعرفو كيفاش كيخدمو هاد الأسواق؟
شحال من واحد كيسحاب ليه فاش كيشري كوكا مثلا من مرجان كيسحاب ليه راه مرجان لي باعت ليه ديك كوكا و بلي مرجان شرات كوكا من عند الشركة د كوكا و عودات فيها البيع لداك الزبون … ولكن هاد الفكرة طبعا غالطة غادي نحاول نوضوها.
فالقديم كانو الاسواق التقليدية بحال مثلا سوق الخضر الاسبوعي كيكون فالبوادي مثلا باش داك الخضار يشد بلاصتو فالسوق كيدابز عليها و يضارب باش يشد شي مكان ستراتيجي باش الزبون كي يدخل لسوق يلقى هداك هو لول قدامو …
الأسواق العصرية اليوم جات باش تنظم هاد الامور هو راه نفس المبدأ و لكن كيختلفو فحاجة وحدة لي هي  نتا فاش كدخل لمرجان كتلقا كلشي مستف بلاصت كوكا بوحدها بلاصت التيد بوحدو …الخ إذن كاين نظام. هاد النظام سميتو مارشوندايزين أو فن ترويج المنتوجات. دبا نتا فاش كتشري كوكا من مرجان راه شريتيها من عند كوكا ماشي من عند مرجان لأن كوكا نقدرو نقولو كارية ديك لبلاصة من عند مرجان باش تبيع فيها و طبعا كتخلص فلوس صحيحة لمرجان
نتعمقو شوية و نبقاو ديما فالبساطة باش كلشي يفهم .. فاش كدخل لمرجان مثلا وكتلقا منتوجات كينين ف مستوى العين ديالك يعني نتا واقف تقد تشوفها بلاما تحني وبالمقابل كتلقى دوك المنتوجات مخلصين فلوس على ديك لبلاصة و فالغالب كيكون منتوج لي مكتشراش بزاف إذن هما كيحطوه فمستوى ديال العين باش إبان ليك بسهولة. 
أما المنتوجات لي كيتباعو بكثرة مثلا الدقيق ولا فارينا ولا السكر … كلشي كيشريه إذن كتلقاه محطوط فشي قنت لي نتا خاصك تقلب عليه لأنك محتاجو بغيتي ولا كرهتي غادي تشريه

إذن هادي كنت لمحة بسيطة باش تفهمو معايا هاد الفكرة نتمنى تكون مفيدة لكم و بارطاجيو باش يستفدو ناس كثر

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *