Après Le BAC Facultes OFPPT

كتسمع كلمة #التضخم ومعرفتيش شنو كتعني دخل استافد موضوع مهم جدا

 السلام عليكم ورحمة الله وبركاته
اليوم إن شاء الله غادي نهضرو على موضوع التضخم هاذ المصطلح الإقتصادي لي كنسمعوه بزاف 
وكاين لي مفاهمش المعنى ديالو. كاين بعض الطلبة ملي يسمعو كلمة التضخم  كيعتقدو بلي كاين إنتاجية بزاف أو تضخم في الانتاج

التضخم في التعريف الإقتصادي كيعني : الارتفاع المفرط في المستوى العام للأسعار
تضخم الدخل النقدي أو عنصر من عناصر الدخل النقدي مثل الأجور أو الأرباح –
ارتفاع التكاليف اوالإفراط في خلق الأرصدة –

يعني الإرتفاع لي كيبقى مستمر و متواصل للمستوى العام للأسعار الأتمنة بمعنى ملي كيغلاو الأثمنة ديال السلع والخدمات هنا كنقولو بلي التضخم موجود
لاكن بعد المرات كتلقا ف السوق مثال مطيشة ولا بصلة كتبقا غالية لواحد المدة معينة بطبيعة الحال هذا ماشي تضخم حيت هنا كيكون غلاء بسبب العرض والطلب كيف كتعرفو كل ما كانت واحد الحاجة قليلة في السوق و الطلب عليها بزاف غادي يطلع الثمن ديالها والعكس صحيح

غادي تقوليا لاكن شنو السبب لي كيخلي التضخم يكون؟ غادي نقوليك كاين بزاف ديال الأسباب لكتأدي للتضخم
:منها

ارتفاع الطلب على السلع و الخدمات هاد شي كيسبب ارتفاع الثمن كين لوجيك فحال المثال لي عطيتكم لفوق
ارتفاع تكاليف انتاج السلع و الخدمات
ارتفاع اﻻسعار ايضا حاجة طبيعية ملي نتا مثلا كتبيع واحد المنتوج أو خدمة ولي كيتقام عليك غالي بطبيعة الحال غادي تكون مجبر تزيد في الثمن الى بغيتي متخسرش
وكاين سبب أخر عندو دور كبير في التضخم لي هو هبوط ( إنخفاض) قيمة سعر صرف العملة المحلية مثلا حنا في المغرب نفترضو ولا 1 درهم كيساوي 25 اورو
حيث ملي تتكون العملة ديال واحد البلد ضعيفة كتكون اﻻسعار مرتفعة هنا تلقاءيا قيمة العملة تنخفض. كذالك كتولي لفلوس كدور في البلاد بدون احترام معايير الصرف الدولية هنا كنطيحو في التضخم بمعنى (فلوس) واخا موجودة لكن معندها حتى قيمة. مثلا لابورس لي كتسنا باش تشد غادي تولي هاديك 1900 متشري بيها حتا بيتزا ولا طاكوس😂
باش تفهمو كثر غادي نعطيكم واحد المثال 
نفترضو مثلا حنا دبا في  2020 كتساوي 10دراهم في هذ العام كنتي كتشري دانون بجوج دراهم
أسيدي في 2021 البنك المركزي لي كنقولو ليه كذالك بنك المغرب نفترضو طلع نسبة ديال الفلوس لي كدور في البلاد بدون أي احترام للمعايير الدولية ديال سعر الصرف هنا هادشي غادي يأدي بنا إلى هبوط القيمة ديال الدرهم ديالنا بمعنى أن 1 اورو غادي يولي يساوي 30 درهم هادشي غادي يأتر على المنظومة الإقتصادية هنا عوض ما كنتي كتشري دانون ب 2 دراهم غادي تولي تشريه ب 5 دراهم أوهنا أسيدي غادي نكونو 100% في حالة التضخم  ولي هو أنواع كثيرة … بطبيعة الحال الدولة كدير بزاف ديال الدراسات في الإقتصاد كيفاش غادي السوق كذالك كتحاول ديما تخلي ليكيليبر في السوق الطلب يكون مساوي مع العرض باش منطيحوش فهاد المشاكل ديال التضخم
هاد الموضوع كيجاوب حتا الناس لي كيقولو علاش الدولة متطبعش لفلوس أوتفرقهم على الشعب غادي نقوليك هاد  شي غادي يأدي بنا للتضخم بطبيعة الحال

😊كنتمنى موضوع اليوم يكون عجبكم 
متنساوش تبارطاجيو مع خوتكم باش كلشي استفد

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *