2éme Année Bac Actualités Actualités & Infromations Cours Et Examens Facultes

النظام الجامعي الجديد “البكالوريوس” عوض الإجازة الاساسية

 

  السلام عليكم

شفت بزاف كيسولو وبغاو يعرفو على النظام الجامعي الجديد “البكالوريوس” عوض الإجازة الاساسية المعمول بها حاليا. انا فهاد المنشور غنحاول انبسط الفكرة للناس لي كيهمهوم الامر
نظام البكالوريوس هو نظام معمول به عالميا وهو كيعادل الاجازة 4 سنوات لي كانت في النظام الجامعي القديم، بمعنى انه الى خديتي الاجازة الاساسية فالمغرب ولي فيها 3 سنوات فقط وبغيتي تكمل الماجيستير فشي دولة خاسك تزيد سنة باش تحصل على معادلة الشهادة الاجازة ديالك مع البكالوريوس فديك الدولة لي اختاريتي
هاد البكالوريوس لي فيه 4 سنوات جابتو الوزارة ولي قررات ايكون فالسنة الاولى مخصصة فقط للغات والتواصل والمدخل للتخصص حتى يتعرف الطالب على التخصص لي ختارو، وهي مافيهاش امتحانات يعني العام الاولى بحال انقدروا انقولو عليه سنة تجريبية او تمهيدية
موراها كتقرا العام الثاني وهو داخل فالجذع المشترك  ديال الشعبة المختارة وملي كتنجح فالسنة الثانية خاسك تعمر واحد الورقة ديال  التخصص او التعمق فالشعبة حيث غالبا كل شعبة كتنقاسم ل2 ديال المسالك وكتقرا المسلك ديالك بتعمق، ونظام البكالوريوس كيخولك التعمق اكثر فالتخصص ديالك عكس الاجازة الاساسية
نظام البكالوريوس كغيره من الانظمة وحتى الاجازة الاساسية الحالية لي كتعتامد على السداسيات، حيث عوض اتقراو 6 ديال السداسيات فالاجازة الاساسية. غيولي يقرا الطالب 8 ديال السداسيات باش يحصل على البكالوريوس، بمعدل 2 ديال السداسيات فكل سنة على أمد 4 سنوات
غير انني خاصني نشير لواحد المسألة ان هاد النظام البكالوريوس الجديد عندو مجموعة من العيوب، من بينها انعدام التقييم فالسنة الاولى للطالب سواء حضر ولا ماحضرش، بالاضافة لقلة الاساتذة الجامعيين لي يقوموا بهاد المهمة ديال التواصل واللغات لي معظم اساتذة ايعتابروها مضيعة للوقت
فقط واحد المسالة انشير ليها انه اول فوج ايتخرج بالبكالوريوس في 2024 حيث ايدخلو في 2020 ويقراو 4 سنوات 🙂
فقط كتنبيه هاد النظام البكالوريوس الجديد غيبدا السنة المقبلة 2020 وغادي يلزم الطلبة الجدد؛ اما الطلبة القدماء    غيسري عليهم القانون القديم ولكن بسباب جائحة كورونا تاجل 

بالتوفيق للجميع 


Laisser un commentaire

Votre adresse de messagerie ne sera pas publiée. Les champs obligatoires sont indiqués avec *